विवाहितेस आत्महत्येस प्रवृत्त; पती, सासू-सासऱ्यांचा जामीन नामंजूर

धुळे | प्रतिनिधी

विवाहितेस आत्महत्येस प्रवृत्त केल्याप्रकरणी पती, सासू-सासऱ्यांचा जामीन अर्ज नामंजूर करण्यात आला आहे. ॲड. मयूर मेघराज बैसाणे व सरकारी पक्षातर्फे युक्तिवाद करण्यात आला.

दि. २० नोव्हेंबर २०२४ रोजी पश्चिम देवपूर पोलीस ठाण्यात भारतीय न्याय संहिता २०२३ चे कलम १०८, ८५, ३५२, ३५१ व ३ (५) अन्वये गुन्हा दाखल करण्यात आला होता. आरोपी हेमंत राजेंद्र खैरनार, सासरे राजेंद्र खैरनार व सासू- सासऱ्यांविरुद्ध फिर्याद देण्यात आली होती.

सदर विवाहितेचा मृतदेह वानखेडकर नगर येथे गळफास घेतलेल्या अवस्थेत मिळून आला होता. मयत विवाहितेचा पती हेमंत खैरनार याचे विवाहबाह्य संबंध असल्याचे समोर आले. त्याचबरोबर सासू-सासऱ्यांकडूनही मानसिक व शारीरिक छळ होत होता.

सदर जामीन अर्जावर सत्र न्यायालयात सुनावणी झाली. सरकारी पक्षातर्फे अतिरिक्त सरकारी वकील अजय सानप तसेच फिर्यादी पक्षातर्फे ॲड. मयूर बैसाणे यांनी युक्तिवाद केला. न्यायालयाने आरोपींचा जामीन अर्ज नामंजूर केला.