विवाहितेच्या आत्महत्या प्रकरणी पतीसह सासू, सासऱ्यांचा जामीन अर्ज नामंजूर

धुळे | दै. खान्देश खबर

पश्चिम देवपूर पोलीस ठाणे हद्दीतील वानखेडकर नगरात २० नोव्हेंबर रोजी विवाहितेने आत्महत्या केल्याची घटना घडली होती.

पतीचे विवाहबाह्य संबंध व मानसिक-शारीरिक छळ हे आत्महत्येचे कारण असल्याची फिर्याद विवाहितेच्या वडिलांनी दिली होती. त्यानुसार पती, सासू-सासऱ्यांना पोलिसांनी ताब्यात घेतले.

सत्र न्यायालयात जामीन अर्जावर सुनावणी झाली. अतिरिक्त सरकारी वकील अजय सानप व अँड. मयूर बैसाणे यांनी आरोपींचा जामीन नाकारावा असा युक्तिवाद केला.

न्यायालयाने आरोपींचा जामीन अर्ज फेटाळून लावला.